بالی وڈ اداکار گووندا گولی لگنے سے زخمی، ہسپتال منتقل......ویب ڈیسک

 

بھارتی میڈیا رپورٹس کے مطابق ممبئی پولیس کے سینئر اہلکار نے بتایا ہے کہ بھارت کے نامور اداکار اور سیاستدان گووندا کو زخمی حالت میں ممبئی کے ایک ہسپتال لایا گیا ہے۔

بالی وڈ کے نامور اداکار وسیاست دان گووندا اپنی ہی ریولور سے حادثاتی طور پر نکلنے والی گولی سے زخمی ہوگئے، انہیں فوری طور پر قریبی ہسپتال منتقل کردیا گیا، جہاں ان کی حالت خطرے سے باہر ہے۔

انڈین نیوز ایجنسی (اے این آئی) سے بات کرتے ہوئے گوندا کے منیجر ششی سنہا نے بتایا کہ اداکار ایک پروگرام کے سلسلے میں کلکتہ جانے کی تیاری کررہے تھے، چونکہ وہ اپنا لائنسس یافتہ اسلحہ اپنے ساتھ رکھتے ہیں اور بیگ میں رکھنے سے پہلے پستول کی صفائی کے دوران ان سے حادثاتی طور پر گولی چل گئی جو ان کے پیر میں لگی۔