تل ابیب میں فائرنگ اور چاقو سے حملے میں متعدد افراد ہلاک DW

 

اسرائیل میں حکام نے تصدیق کی ہے کہ تل ابیب میں فائرنگ اور چاقو کے حملے میں سات افراد ہلاک اور متعدد زخمی ہوئے ہیں۔ یہ حملے اسرائیل پر ایرانی میزائل حملے شروع ہونے سے کچھ دیر پہلے کیے گئے۔

https://p.dw.com/p/4lJpG

پولیس نے بتایا کہ بندوق بردار اور چاقو سے مسلح ایک دیگر حملہ آور کو عوام نے ہی "بے اثر" کر دیا اور اس نے اس حملے کو "دہشت گردی" قرار دیا ہے

اسرائیل میں پولیس حکام کا کہنا ہے کہ منگل کی شام کو ایک مسلح شخص نے جافا کے علاقے میں لوگوں پر فائرنگ کر دی، جس میں کم از کم سات افراد ہلاک اور کئی دیگر زخمی ہو گئے۔ زخمیوں میں سے بعض کی حالت تشویشناک بتائی گئی ہے۔

مقامی پولیس نے ایک بیان میں کہا کہ اس مہلک حملے کی ابتدا ایک ریل گاڑی میں ہوئی، جو پلیٹ فارم پر رکنے تک جاری رہا۔