کرناٹک میں مسلمان بس ڈرائیور دوران ڈیوٹی نماز پڑھنے پر معطل

 

بنگلورو:بھارتی ریاست کرناٹک میں ایک مسلمان بس ڈرائیور کو ڈیوٹی کے اوقات میں نماز ادا کرنے پر معطل کر دیا گیا ہے۔
کشمیر میڈیا سروس کے مطابق نارتھ ویسٹرن کرناٹک روڈ ٹرانسپورٹ کارپوریشن کے ہاویری ڈپو سے منسلک ڈرائیور نیاز ملا کو اسٹیئرنگ وہیل کے پیچھے والی سیٹ پر نماز پڑھتے ہوئے پایا گیا۔ ایک مسافرنے واقعے کی ویڈیو بنا کے سوشل میڈیا پر ڈال دی ۔ ویڈیو وائرل ہوئی تو ریاست کے وزیر ٹرانسپورٹ راملنگا ریڈی نے ڈرائیور کو معطل کر دیا۔