نئی دہلی:بھارت میں کانگریس پارٹی کا کہنا ہے کہ راجستھان کی بی جے پی حکومت اجمیر میں ایک دلت لڑکی کی اجتماعی عصمت دری کے معاملے میں مجرموں کو بچا رہی ہے جبکہ بی جے پی کے زیر اقتدار ریاستوں میں دلتوں کے خلاف مظالم بڑھ رہے ہیں۔
کانگریس کے رہنما راجیندر پال گوتم نے ایک پریس کانفرنس سے خطاب کرتے ہوئے اعداد و شمار کا حوالہ دیا جس سے ظاہر ہوتا ہے کہ دلتوں پر مظالم کے 76 فیصد واقعات بی جے پی کے زیر اقتدار پانچ ریاستوں اتر پردیش، مدھیہ پردیش، راجستھان، بہار اور مہاراشٹر سے رپورٹ ہوئے ہیں۔گوتم نے اجمیر کیس میں پولیس کی بے حسی کاحوالہ دیا جہاں جولائی 2024 میں ایک 15 سالہ دلت لڑکی کی اجتماعی عصمت دری کی گئی تھی۔ لڑکی کا بیان ریکارڈ کرنے کے باوجود آٹھ ماہ تک کوئی گرفتاری نہیں کی گئی۔